Sunday 29 May 2011
حلم نهارى
صباحكم اخضر خضرة وطنا وطن الغبش ومشرق اشراقة سودانا الحلو ومنور برضاءالوالدين ودعوة حبوبة فى الفجرية يحفظك يا جناى الزين صباحاتكم زينة سلام التاية وحباب محمود مسكاقروا ودبايوا وايتنينا وكل لهجات بلدنا ترجعنا وتودينا وترد غربتنا لى بلدا بنريدوا ونحبوا رغم مافيه من مرة ومن شينة سلام بنوته ياالزينه وحبابك ابوى يما الحاج وصل جائينا حبابكم كلكم رغم الغربة وقسوة سنينه ورغم القلب حزين مشتاق لرملها وطينه ولى لمة حنينة وفيها الكلمة الطيبة وفيها السرة وزينة اريت ارجع واتعفر واتغبر واتمرمغ فى ترابه وطينهواقول يمة ويابا قهوتكم جاهزة واسال وين اختى الصغيرونة واتلفت اتاواق من طرف بابنا مدارينا واقول يايمة حريم حلتنا متلمين وفى الطريق ماشيئن والله يكضب الشينة
Subscribe to:
Post Comments (Atom)
No comments:
Post a Comment