كلام مجانين

مجرد كلام
,,,,,,,,,,,,,
لاتقروا شعر
ولاتتخيلوا نثر
حاجة طلعت من قلم
لا لاقى حق
ولاباطل 
,,,,,,,,,,,,,


لما تظلك تبحث عن حقيقة غائبة
وتدور على حاجة رايحة
حاجة بملمح امان
حاجة جاءت عابرة فيك
حاجة غايبة من مساحات وجودك
تدور عن مساحة لسلام الروح
مساحة صغيرة تخليك صادق
فى زمن مليان نفاق
زمن ملعون
اوحقيقة زمن مغبون ,,,, موجوع
بحقيقة واحدة
انو نحنا بنتلون
بنتشكل
بنساسق
بين الصدق والكذب
نفضل نعلق روحنا
نخنقا
بس نكون ملائكة
ملائكة فى زمن الشياطين
ملائكة فى ثياب دجالين
المهم نعاين لى بعض
ونرسم ملامح للملاك االفيك
وللملاك الفينى
ونضحك
نضحك بسعادة
ياخى نحن ملائكة جد
بالقشور
بالمظاهر
بالكذب او
بالنفاق
المهم كل النا س
تأشر بيديها
على الملائكة
الهم
نحن